शबनम न्यूज | प्रतिनिधी
महाराष्ट्र साहित्य परिषद पिंपरी चिंचवड शाखा आयोजित वार्षिक साहित्य पुरस्कार सोहळ्यात विविध विषयातील निवड झालेल्या महाराष्ट्रातील लेखक, कवींना ज्येष्ठ साहित्यिक व शिक्षणतज्ज्ञ डॉ. न. म. जोशी आणि ज्येष्ठ साहित्यिक व सामाजिक कार्यकर्ते पद्मश्री गिरीश प्रभुणे यांच्या हस्ते पुरस्कार प्रदान करण्यात आले. त्यावेळी व्यासपीठावर महाराष्ट्र राज्याचे भाषा सचिव डॉ. किरण कुलकर्णी, महाराष्ट्र साहित्य परिषद पिपंरी चिंचवड चे अध्यक्ष राजन लाखे, उपाध्यक्ष डॉ. रजनी शेठ उपस्थित होते.
कथा, कविता, ललित, कादंबरी, आणि बालसाहित्य अशा पाच विभागात पुरस्कारासाठी पुस्तके मागविण्यात आली होती. एकूण १५५ पुस्तके प्राप्त झाली. त्यापैकी परीक्षकांनी पुरस्कारासाठी वरील पाच विभागातून १९ साहित्यकृतींची निवड केली.
कार्यक्रम रिचा राजन हिने गायिलेल्या सुस्वर अशा गणेश वंदनाने सुरू झाला. निवड होऊन पुरस्काराने गौरवलेल्या साहित्यकृती तसेच त्यांचे लेखक खालीलप्रमाणे:
नाव क्रमांक. साहित्यकृती
——————————
कथा विभाग
अविनाश हळबे : प्रथम : मृत्यूर्मा अमृतं गमय
संजीवनी बोकील : द्वितीय : कवडशांचे फूल
प्रियांका कर्णिक. : द्वितीय. :अवकाश पेलताना
शहाजी कांबळे. तृतीय :कथा संजीवनी
कविता विभाग:
सागर जाधव प्रथम : माती मागते पेनकिलर
दिनेश भोसले द्वितीय : सूर्य आहे पेरला
निलेश शेंबेकर द्वितीय : क्षितिज पल्याड
डॉ. विनय तांदळे तृतीय निःशब्द काळजाची ओल
कादंबरी विभाग
डॉ. किरण कुलकर्णी प्रथम अनामिकाची विचारधून
नितीन शिंदे द्वितीय डी पी होता म्हणून
नीला विवेक नातू तृतीय आनंदी रघुनाथराव
मेधा इनामदार उल्लेखनीय शर्मिष्ठा
ललित विभाग
डॉ. अनिकेत मयेकर. प्रथम. स्टेथोस्कोप
अँड शुभदा कुलकर्णी. द्वितीय किनारे सावल्यांचे
निशा डांगे तृतीय कपाळ गोंदण
बालसाहित्य
रश्मी गुजराथी प्रथम कळीची फजिती
डॉ. श्रीकांत पाटील द्वितीय रंगतदार नाट्यछटा
हबीब भंडारे द्वितीय निळे आभाळाचे डोळे
विनोद पंचभाई तृतीय मिशन मून
अध्यक्ष डॉ . न. म. जोशी आणि गिरीश प्रभुणे यांनी पुरस्कार्थी लेखकांचे अभिनंदन करून भावी प्रभावी लेखनासाठी प्रबोधनात्मक गोष्टी सांगितल्या. परीक्षकां पैकी रजनी शेठ यांनी निवडीचे निकष सांगितले. पुरस्कार्थी डॉ. किरण कुलकर्णी आणि शहाजी कांबळे यांनी प्रातिनिधिक मनोगत व्यक्त केले.
परिषदेचे अध्यक्ष राजन लाखे यांनी प्रास्ताविकातून पुरस्काराची माहिती व भूमिका स्पष्ट केली, संजय जगताप यांनी किरण लाखे यांनी सूत्रसंचालन केले.
