शबनम न्यूज | प्रतिनिधी
चिंचवड येथील प्रतिभा ग्रुप ऑफ इन्स्टिट्यूट मधील प्रतिभा शिक्षण शास्त्र महाविद्यालयाच्या बीएडच्या विद्यार्थ्यांसाठी भोंडला व दांडियाचे आयोजन करण्यात आले होते त्याला उत्स्फूर्त प्रतिसाद मिळाला. प्राध्यापक, विद्यार्थी, विद्यार्थिनीनी उत्स्फूर्त सहभाग नोंदविला. महाविद्यालयाच्या प्राचार्या डॉ. पौर्णिमा कदम यांच्या हस्ते गजलक्ष्मी प्रतिमेची पूजा करून भोंडल्याची पारंपारिक गाणी गात फेर धरण्यात आला. संगीत आणि विविध गाण्याच्या तालावर सर्वांनी दांडिया खेळला .व सर्वांना खिरापत वाटून कार्यक्रमाची सांगता करण्यात आली.
महाविद्यालयाच्या प्राचार्या डॉ. पौर्णिमा कदम यांनी याप्रसंगी सर्वांना विजयादशमीच्या शुभेच्छा दिल्या. व संस्था सचिव डॉ. दीपक शहा , खजीनदार डॉ भूपाली शहा , संचालिका डॉ . तेजल शहा यांचे मार्गदर्शन व सहकार्य मिळाल्याचे विशद केले . कार्यक्रमाचे प्रास्ताविक सांस्कृतिक विभाग प्रमुख प्रा. पल्लवी चव्हाण यांनी केले. प्रा. गीता कांबळे यांनी सूत्रसंचालन केले तर आभार डॉ. सुवर्णा गायकवाड यांनी मानले .
