५व्या कॅडेट नॅशनल तायक्वांदो स्पर्धेत रौप्य पदक
देहरादून, उत्तराखंड — जून २०२५ महाराष्ट्राचा अभिमान वाढवत, पुणे जिल्ह्याच्या फ्रीस्टाईल तायक्वांदो संघाने देहरादून (उत्तराखंड) येथे झालेल्या ५व्या कॅडेट नॅशनल तायक्वांदो चॅम्पियनशिप २०२५ मध्ये फ्रीस्टाईल पुमसे प्रकारात रौप्य पदक पटकावले. ही स्पर्धा इंडिया तायक्वांदोने आयोजित केली होती, जी वर्ल्ड तायक्वांदो आणि युवा व्यवहार आणि क्रीडा मंत्रालय (भारत) यांच्याकडून मान्यता प्राप्त एकमेव महासंघ आहे.
या संघामध्ये हे खेळाडू सहभागी होते: तनय दूत,आरव वात्याणी,सोहम नाईक,राही सावंत,लावण्या जाडे प्रीषा चौधरी या खेळाडूंनी आपल्या सर्जनशीलतेने, अचूकतेने आणि संघभावनेने उत्कृष्ट कामगिरी बजावून देशातील सर्वोत्तम संघांमध्ये वेगळी ओळख निर्माण केली.
हे सर्व खेळाडू गेली सहा वर्षे प्रशिक्षक रोहन बांगर यांच्या मार्गदर्शनाखाली प्रशिक्षण घेत आहेत आणि त्यांच्या सातत्यपूर्ण प्रयत्नाचे हे फळ आहे.या यशामुळे महाराष्ट्रातील युवा खेळाडूंना प्रेरणा मिळाली असून राज्यात तायक्वांदोचा दर्जा उंचावला आहे.
