शबनम न्यूज | प्रतिनिधी
कासारवाडी परिसरात शस्त्रबंदी आदेश लागू असताना एका तरुणाकडे लोखंडी कोयता आढळल्याने दापोडी पोलीस ठाण्यात गुन्हा दाखल करण्यात आला आहे. याबाबत नितीन सुरेश संकुन्हट्टे, पोलीस शिपाई (बक्कल क्रमांक ३६०४), दापोडी पोलीस ठाणे यांनी फिर्याद दिली आहे. १८ ऑक्टोबर २०२६ रोजी सायंकाळी ५.४५ वाजता दत्त मंदिरासमोर, पिंपळे गुरवकडून जाणाऱ्या रस्त्यावरील फुटपाथवर, कासारवाडी, पुणे येथे ही घटना घडल्याचे प्रसिद्धीपत्रकात नमूद आहे.
पोलिसांच्या नोंदीनुसार, आरोपी लक्ष्मण ऊर्फ लक्‍या धनंजय चव्हाण (वय २०, रा. बेंगार चाळ, रेल्वे गेटखाली, कासारवाडी, पुणे) याच्याकडे १०० रुपये किमतीचा लोखंडी कोयता विनापरवाना आणि बेकायदेशीररीत्या आढळला.
पिंपरी-चिंचवड पोलीस आयुक्तालयाच्या हद्दीत १४ ते २७ ऑक्टोबर २०२६ या कालावधीत घातक शस्त्रे बाळगण्यास मनाई करणारा आदेश लागू असल्याचे प्रसिद्धीपत्रकात नमूद आहे. या आदेशाचे उल्लंघन करून शस्त्र बाळगल्याच्या आरोपावरून संबंधित तरुणाविरुद्ध गुन्हा दाखल करण्यात आला आहे.
या प्रकरणी भारतीय शस्त्र अधिनियमातील संबंधित तरतुदी आणि महाराष्ट्र पोलीस अधिनियमाच्या कलम ३७(१)(३) सह १३५ अंतर्गत कारवाई करण्यात आली आहे.
Total Users : 232136