spot_img
spot_img
spot_img

भोसरीत २९८ ग्रॅम गांजासह तरुण अटकेत; १५ हजारांचा मुद्देमाल जप्त

Shabnam News Team
By Shabnam News Team

पिंपरी चिंचवड प्रतिनिधी

विक्रीच्या उद्देशाने गांजा बाळगणाऱ्या १९ वर्षीय तरुणाला एमआयडीसी भोसरी पोलिसांनी अटक केली. त्याच्याकडून ०.२९८ किलो अर्थात २९८ ग्रॅम गांजा जप्त करण्यात आला असून त्याची किंमत सुमारे १५ हजार रुपये आहे.

पोलिसांनी दिलेल्या माहितीनुसार, ही कारवाई १५ ऑगस्ट २०२६ रोजी सायंकाळी पावणेसातच्या सुमारास टी-ब्लॉक, एमआयडीसी भोसरी परिसरातील पवना इंडस्ट्रियल कॉम्प्लेक्सच्या भिंतीलगतच्या फुटपाथवर करण्यात आली.

आर्यन विजय धिवार (वय १९, रा. चक्रपाणी वसाहत, भोसरी) हा गांजा विक्रीच्या उद्देशाने बेकायदेशीररीत्या जवळ बाळगताना पोलिसांना आढळून आला. पोलिसांनी त्याच्याकडील ०.२९८ किलो गांजा जप्त करून त्याला अटक केली.

याप्रकरणी एमआयडीसी भोसरी पोलीस ठाण्यात एनडीपीएस अॅक्टच्या कलम ८(क), २०(ब)(ii)(अ) नुसार गुन्हा दाखल करण्यात आला आहे. पुढील तपास पोलीस उपनिरीक्षक तळेकर व पोलीस उपनिरीक्षक जोनापल्ले करीत आहेत.

You Tube

#moshi मोशी दुर्घटनेतील मृतांच्या नातेवाईकांना भरीव मदत मिळावी यासाठी आग्रही दुसऱ्यांदा मनपा भवनात आयुक्तांकडे मागणी
आमदार रोहित पवार यांचा प्रसार माध्यमांशी संवाद | पिंपरी चिंचवड
#apnawatan अपना वतन’ संघटनेचे संस्थापक अध्यक्ष सिद्दीक इस्माईल शेख यांच्यासह तिघांना खंडणीच्या गुन्ह्यात देहूरोड पोलिसांनी केली अटक
अपना वतन’ संघटनेचे अध्यक्ष सिद्दीक इस्माईल शेख यांच्यासह तिघांना देहूरोड पोलिसांनी केली अटक
#chakana #pimprichinchwad चाकण हे केवळ पुणे जिल्ह्याचे नव्हे, तर महाराष्ट्राचे महत्त्वाचे औद्योगिक केंद्र आहे. मोठ्या वाहन कंपन्यांपासून ते हजारो लघु-मध्यम उद्योगांपर्यंत अनेक व्यवसाय या परिसरावर अवलंबून आहेत. त्यामुळे चाकणमधून उद्योग स्थलांतरित होण्याची चर्चा ही केवळ उद्योजकांची समस्या नाही, तर हजारो कामगारांच्या रोजगाराशी आणि स्थानिक अर्थव्यवस्थेशी जोडलेला गंभीर विषय आहे. आज चाकणमध्ये उद्योगांना सर्वाधिक त्रास होत असेल तर तो खराब रस्ते आणि वाहतूक कोंडीचा आहे. मोठमोठे खड्डे, रस्त्यांवर उभे असलेले ट्रक, अतिक्रमणे आणि अपुरी वाहतूक व्यवस्था यामुळे रोज हजारो कामगारांना त्रास सहन करावा लागतो. कच्चा माल वेळेवर कारखान्यात पोहोचत नाही आणि तयार माल वेळेत बाहेर जात नाही. याचा थेट परिणाम उद्योगांच्या खर्चावर होतो. सुमारे २० उद्योग स्थलांतराचा विचार करत असतील आणि त्यातून हजारो रोजगार धोक्यात येत असतील, तर प्रशासनाने ही बाब गांभीर्याने घेण्याची वेळ आली आहे. उद्योग आणण्यासाठी मोठ्या घोषणा करण्यापेक्षा उद्योग टिकवण्यासाठी आवश्यक सुविधा देणे अधिक महत्त्वाचे आहे. पाणी, वीज, रस्ते आणि वाहतूक या मूलभूत सुविधा सुरळीत नसतील तर उद्योगांकडून गुंतवणुकीची अपेक्षा करणे योग्य नाही. आज चाकणमध्ये निर्माण झालेली औद्योगिक ताकद उद्या दुसऱ्या शहराकडे वळू नये, यासाठी प्रशासनाने तातडीने ठोस पावले उचलली पाहिजेत. चाकणमधील रस्त्यांची दुरुस्ती ही केवळ खड्डे बुजवण्यापुरती मर्यादित राहू नये. वाहतूक कोंडीची कायमस्वरूपी सोडवणूक, ट्रक पार्किंगची व्यवस्था, अतिक्रमणांवर कारवाई, पाणी-वीजपुरवठ्याचे नियोजन आणि विविध विभागांमध्ये समन्वय आवश्यक आहे. चाकणमध्ये उद्योग आणणे हे यश आहे; पण ते उद्योग चाकणमध्ये टिकवणे ही खरी कसोटी आहे. हजारो कोटींची उलाढाल आणि हजारो रोजगार धोक्यात येण्याची वेळ येण्यापूर्वी प्रशासनाने जागे होणे गरजेचे आहे. चाकणचा ‘ऑटो हब’चा दर्जा कायम ठेवायचा असेल, तर आता आश्वासनांपेक्षा प्रत्यक्ष कामाची गरज आहे.
चाकणमधून उद्योग बाहेर जाण्यापूर्वी रस्ते सुधारा ! खराब रस्त्यांमुळे चाकणचा उद्योग धोक्यात
#pcmc #moshiaccident मोशी कचरा डेपो दुर्घटनेतील मृताच्या पत्नीची आत्महत्या; सासरच्या मंडळींवर गंभीर आरोप! पिंपरी-चिंचवडच्या मोशी कचरा डेपो परिसरातील इमारत दुर्घटनेला महिना पूर्ण होत असतानाच धक्कादायक घटना समोर आली आहे. या दुर्घटनेत मृत्यू झालेल्या नागेश गायकवाड यांच्या २३ वर्षीय पत्नी सोनाली गायकवाड यांनी राहत्या घरी गळफास घेऊन आत्महत्या केली. पतीच्या निधनानंतर मानसिक तणावातून त्यांनी हे पाऊल उचलल्याचे सुरुवातीला सांगितले जात होते. मात्र, सोनाली यांच्या नातेवाईकांनी सासरच्या मंडळींवर छळ करून आत्महत्येस प्रवृत्त केल्याचा गंभीर आरोप केला आहे. घटनास्थळी सुसाईड नोट आढळलेली नाही. या प्रकरणाचा तपास एमआयडीसी भोसरी पोलीस करत आहेत.
मोशी कचरा डेपो दुर्घटनेतील मृताच्या पत्नीची आत्महत्या; सासरच्या मंडळींवर गंभीर आरोप!
#pcmc #standingcommittee #abhishekhbarne स्थायी समितीच्या सभेत आरोग्य, स्वच्छता, पार्किंगसह पायाभूत सुविधांबाबत महत्त्वपूर्ण निर्णय पिंपरी, दि. १२ ऑगस्ट २०२६ : पिंपरी-चिंचवड महापालिकेच्या स्थायी समितीची सभा सभापती अभिषेक बारणे यांच्या अध्यक्षतेखाली पार पडली. या बैठकीत आरोग्य सेवा, स्वच्छता, पार्किंग व्यवस्था, रस्ते, पाणीपुरवठा, विकास आराखडा, क्रीडा सुविधा आणि प्रशासकीय सुधारणांशी संबंधित विविध प्रस्तावांना मंजुरी देण्यात आली. विकास परवानगी देताना सुविधा क्षेत्रासाठी आकारण्यात येणाऱ्या अधिमूल्यातून जमा होणाऱ्या रकमेसाठी ‘सुविधा क्षेत्र अधिमूल्य’ या नावाने स्वतंत्र लेखाशीर्ष तयार करण्यास मान्यता देण्यात आली. या निधीचा भूसंपादन अथवा खासगी वाटाघाटीसाठी वापर करण्याबाबतचा प्रस्ताव महापालिका सभेकडे शिफारस करण्याचा निर्णय घेण्यात आला. महापालिका रुग्णालयांमधील आरोग्य सेवा अधिक सक्षम करण्यासाठी आयुष्मान भारत-PMJAY व महात्मा ज्योतिराव फुले जनआरोग्य योजनेअंतर्गत उपचार घेणाऱ्या रुग्णांसाठी औषधे, उपभोग्य वस्तू आणि ऑर्थोपेडिक इम्प्लांट्स उपलब्ध करून घेण्यास मंजुरी देण्यात आली. वायसीएम रुग्णालयातील मध्यवर्ती निर्जंतुकीकरण केंद्राची देखभाल व दुरुस्ती, यशवंतराव चव्हाण स्मृती रुग्णालयातील डिजिटल रेडिओग्राफी प्रणालीसाठी उपकरणांची खरेदी तसेच जिजामाता रुग्णालयातील नादुरुस्त एक्स-रे मशीनच्या दुरुस्तीच्या खर्चासही मान्यता देण्यात आली. शहरातील सार्वजनिक स्वच्छता सेवा सुरळीत ठेवण्यासाठी विविध क्षेत्रीय कार्यालयांच्या हद्दीतील सामुदायिक व सार्वजनिक शौचालये आणि मुताऱ्यांच्या साफसफाई, यांत्रिक स्वच्छता, देखभाल व किरकोळ दुरुस्तीच्या कामांना मुदतवाढ देण्यात आली. निगडी परिसरातील काही सामुदायिक शौचालयांची स्वच्छता महिला बचत गटांमार्फत सुरू ठेवण्यासही मंजुरी देण्यात आली. पार्किंग व्यवस्थेला शिस्त लावण्यासाठी सर्वसमावेशक पार्किंग धोरण शहरातील वाढती वाहनसंख्या, वाहतूक कोंडी आणि अनधिकृत पार्किंगच्या पार्श्वभूमीवर महापालिकेच्या सर्वसमावेशक पार्किंग धोरणास मंजुरी देण्यात आली. यात रस्त्यालगत व रस्त्याबाहेरील पार्किंगचे नियोजन, तंत्रज्ञानाधारित व्यवस्थापन, टेलिस्कोपिक पार्किंग शुल्क प्रणाली, दैनंदिन व मासिक पास तसेच निवासी पार्किंग परवान्यांची तरतूद करण्यात आली आहे. दरम्यान, प्रभाग क्रमांक २५ मधील नव्याने विकसित रस्त्यावर प्रकाश व्यवस्था, प्रभाग क्रमांक ११ मध्ये नवीन जलवाहिन्या, किवळे परिसरातील रस्ते सुधारणा तसेच पिंपळे सौदागर येथील शिवार चौक ते गोविंद गार्डन चौक रस्त्याच्या विकासकामासह भूमिगत विद्युत केबल, खांब, ट्रान्सफॉर्मर व स्ट्रीट लाईट व्यवस्थेच्या स्थलांतराला मंजुरी देण्यात आली. सुधारित विकास आराखड्यातील शैक्षणिक आणि इतर आरक्षित जागांच्या विकासासाठी विविध विभागांकडून ना हरकत प्रमाणपत्र देण्याची प्रक्रिया सुसूत्र करण्यासाठी Standard Operating Procedure (SOP) तयार करून त्याची अंमलबजावणी करण्यास मान्यता देण्यात आली. यामुळे विविध विभागांमधील समन्वय वाढून मंजुरी प्रक्रियेतील विलंब कमी होण्याची अपेक्षा आहे. आंतरराष्ट्रीय सायकलिंग स्पर्धेसाठी शहरातील सुविधा विकसित करणार दि. २६ ते ३१ जानेवारी २०२७ दरम्यान होणाऱ्या ‘पुणे ग्रँड चॅलेंज टूर-२०२७’ आंतरराष्ट्रीय सायकलिंग स्पर्धेसाठी शहरातील स्पर्धा मार्गावरील रस्ते, रोड मार्किंग, सुरक्षा व्यवस्था, दिशादर्शक फलक, पदपथ, सायकल ट्रॅक आदी सुविधा आंतरराष्ट्रीय निकषांनुसार विकसित करण्यास मंजुरी देण्यात आली. यासाठी प्री-टेंडर आणि पोस्ट-टेंडर प्रकल्प व्यवस्थापन सल्लागार सेवा घेण्यासही मान्यता देण्यात आली. युवकांना व्यायाम व क्रीडा प्रशिक्षणासाठी सुविधा मिळाव्यात यासाठी प्रभाग क्रमांक ११ मधील पोलीस लाईन ग्राउंड येथील व्यायामशाळा स्थानिक क्रीडा संस्थेला सेवा शुल्क तत्त्वावर चालविण्यास देण्यास मंजुरी देण्यात आली. तसेच मोरवाडी औद्योगिक प्रशिक्षण संस्थेतील अखिल भारतीय वार्षिक परीक्षेच्या प्रात्यक्षिकांसाठी आवश्यक बिल ऑफ मटेरियलच्या तातडीच्या पुरवठ्याच्या खर्चास कार्योत्तर मान्यता देण्यात आली. पदनिहाय मोबाईल क्रमांकामुळे नागरिकांचा संपर्क सुलभ होणार महापालिका प्रशासनातील अधिकारी व कर्मचाऱ्यांना व्यक्तीनिहाय मोबाईल क्रमांक देण्याऐवजी पदनिहाय कायमस्वरूपी मोबाईल सिम क्रमांक उपलब्ध करून देण्यास मान्यता देण्यात आली. अधिकारी किंवा कर्मचाऱ्याची बदली अथवा सेवानिवृत्ती झाल्यानंतरही संबंधित पदाचा क्रमांक कायम राहणार असल्याने नागरिकांना संबंधित विभागाशी संपर्क साधणे सुलभ होणार आहे. विविध ऑनलाइन सेवांसाठी आवश्यक मोबाईल सिम सुविधाही उपलब्ध करून देण्यात येणार आहे. स्थायी समिती सभेत मुख्य लेखा परीक्षण विभाग आणि नगरसचिव विभागातील कर्मचाऱ्यांच्या विनंतीनुसार रजा मंजुरीच्या प्रस्तावांनाही मान्यता देण्यात आली. यावेळी स्थायी समिती सभापती अभिषेक बारणे म्हणाले, “नागरिकांच्या दैनंदिन जीवनाशी संबंधित आरोग्य, स्वच्छता, पाणीपुरवठा, रस्ते, वाहतूक आणि पार्किंग यांसारख्या मूलभूत सुविधा सक्षम करणे हे महापालिकेचे प्राधान्य आहे. गुणवत्ता, पारदर्शकता आणि नागरिकहिताला सर्वोच्च प्राधान्य देत पिंपरी-चिंचवडच्या सर्वांगीण विकासासाठी स्थायी समिती सातत्याने कार्यरत राहील.”
स्थायी समितीच्या बैठकीत विविध विकासकामांना मंजुरी,पिंपरी-चिंचवडच्या विकासाला वेग 12.08.2026
#शिरूर #kishoryadav बायपासजवळ चार वाहनांचा भीषण अपघात; दोघांचा मृत्यू शिरूर : पुणे–अहिल्यानगर महामार्गावर शिरूर बायपासजवळ कंटेनर, कार, दुचाकी आणि बस अशा चार वाहनांचा भीषण अपघात झाला. या अपघातात दोघांचा मृत्यू झाला असून मृतांमध्ये वाडेगव्हाण येथील उद्योजक किशोर यादव यांचा समावेश आहे. मिळालेल्या माहितीनुसार, चार वाहनांमध्ये जोरदार धडक झाल्याने हा अपघात झाला. अपघातानंतर कंटेनर चालकाने वाहन घटनास्थळी न थांबवता तेथून पलायन केले. त्यामुळे पोलिसांकडून फरार कंटेनर चालकाचा शोध सुरू आहे. अपघाताची माहिती मिळताच पोलिसांनी घटनास्थळी धाव घेतली. मृतदेह पुढील कार्यवाहीसाठी रुग्णालयात हलविण्यात आले आहेत. अपघात नेमका कशामुळे झाला, याचा तपास पोलिसांकडून सुरू आहे.
kishor yadav accident | पुणे–अहिल्यानगर महामार्गावर भीषण अपघात; उद्योजक किशोर यादव यांचा मृत्यू
Subscribe

Related Articles

ताज्या बातम्या

Load more

Contact us: [email protected]

या न्युज पोर्टल वरील प्रकाशित झालेल्या बातम्या, लेखाशी मुख्य संपादक सहमत असतीलच असे नाही. काही वाद उद्भभवल्यास पुणे न्यायालया अंतर्गत राहील अन्य कुठेही नाही

"

वाचक संख्या

2 1 4 1 7 6
Total Users : 214176
"

2025 © Copyright - shabnamnewsonline.in| All rights reserved.

Website developed by Softisky Media Solution | 9764331134

error: Content is protected !!