शबनम न्यूज | प्रतिनिधी
Chakan येथील खिमत ज्वेलर्स (Khimat Jewellers) या सराफा दुकानात अज्ञात चोरट्यांनी धाडसी चोरी करत तब्बल ५ लाख ९२ हजार रुपयांचे सोन्या-चांदीचे दागिने लंपास केले. ही घटना २२ एप्रिल २०२६ रोजी मध्यरात्री घडली असून, संपूर्ण प्रकार दुकानातील CCTV कॅमेऱ्यात कैद झाला आहे.
मिळालेल्या माहितीनुसार, चोरट्यांनी दुकानाच्या पाठीमागील बाजूने प्रवेश करत गॅस कटरच्या सहाय्याने मजबूत लोखंडी ग्रील आणि शटर तोडले. त्यानंतर दुकानात शिरून मौल्यवान दागिन्यांवर हात साफ केला.
गुरुवारी सकाळी दुकान उघडल्यानंतर चोरीचा प्रकार उघडकीस आला आणि परिसरात एकच खळबळ उडाली. घटनेची माहिती मिळताच Chakan Police घटनास्थळी दाखल झाले. पोलिसांनी पंचनामा करून CCTV फुटेज ताब्यात घेतले असून, आरोपींचा शोध सुरू केला आहे.
या प्रकरणात फॉरेन्सिक पथकाची मदत घेतली जाण्याची शक्यता असून, व्यापारी वर्गात भीतीचे वातावरण निर्माण झाले आहे. स्थानिक व्यापाऱ्यांनी रात्रीची पोलीस गस्त वाढवण्याची मागणी केली आहे.
