थेरगाव मध्ये श्री. शिवछत्रपती शिवाजी मित्र मंडळाचा नवरात्रोत्सव जल्लोषात संपन्न !

नऊ दिवस गरबा-दांडियाच्या तालावर थिरकले थेरगावकर;

बक्षीस वितरण सोहळ्यात आकर्षक पारितोषिकांची लयलूट

थेरगाव, पिंपरी-चिंचवड : नवरात्रीचा उत्साह, पारंपरिक वेशभूषेचा साज, गरबा-दांडियाच्या तालावर थिरकणारी पावले आणि देवीच्या जयघोषाने दुमदुमलेले वातावरण… अशा भक्तिमय आणि उत्साहपूर्ण वातावरणात थेरगाव येथील श्री शिवछत्रपती शिवाजी मित्र मंडळाच्या वतीने आयोजित शारदीय नवरात्रोत्सव मोठ्या दिमाखात संपन्न झाला. दरवर्षीप्रमाणे यंदाही मंडळाने नऊ दिवस विविध उपक्रमांसह गरबा-दांडिया महोत्सवाचे आयोजन करत परिसरातील नागरिकांसाठी आनंदाची पर्वणी उपलब्ध करून दिली.

पिंपरी-चिंचवड महानगरपालिकेच्या शिक्षण समितीच्या माजी सभापती तथा विद्यमान नगरसेविका आणि ग प्रभाग अध्यक्षा सौ. मनीषा प्रमोद पवार यांच्या मार्गदर्शनाखाली हा नवरात्रोत्सव उत्साहात पार पडला. नऊ दिवस चाललेल्या या महोत्सवात महिला, युवती, युवक आणि लहान मुलांनी मोठ्या संख्येने सहभाग घेतला. दररोज सुमारे ७०० ते ८०० महिला व युवती गरबा-दांडिया नृत्यात सहभागी होत असल्याने संपूर्ण परिसरात चैतन्यपूर्ण वातावरण निर्माण झाले होते.

महोत्सवाला अनेक मान्यवरांची हजेरी

या महोत्सवाला विविध क्षेत्रांतील मान्यवरांनी आवर्जून उपस्थिती लावत कार्यक्रमाची शोभा वाढवली. यामध्ये चिंचवड विधानसभा मतदारसंघाचे आमदार शंकर जगताप, पिंपरी-चिंचवड महानगरपालिकेच्या स्थायी समितीचे सभापती अभिषेक बारणे, माजी प्रभाग सदस्य संदीप गाडे, सोनाली ताई संदीप गाडे, नगरसेवक विश्वजित बारणे, माजी नगरसेवक कैलास बाबा बारणे , माजी नगर सेवक सिद्धेश्वर बारणे, नगरसेविका अर्चनाताई तापकीर, नगरसेविका योगिताताई बारणे, नगरसेविका शालिनीताई गुजर, नगरसेविका स्नेहाताई कलाटे , नगर सेविका रेशमाताई भुजबळ, नगरसेविका आरतीताई चौंधे , नगरसेविका निताताई पाडळे,  सामाजिक कार्यकर्ते विशाल नंदु बारणे, उद्योजक प्रकाश भंडारी, सामाजिक कार्यकर्ते विनोद बारणे आणि सागर बारणे, पत्रकार शबनम सय्यद यांच्यासह अनेक मान्यवरांचा समावेश होता. मान्यवरांच्या उपस्थितीमुळे महोत्सवाला विशेष महत्त्व प्राप्त झाले.

आरतीचे मानकरी –

सामाजिक कार्यकर्ते रवी भिलारे, ऍडव्होकेट स्नेहा कांबळे , सुनिता ताई कांबळे,(सिद्धार्थ मंडळ महिला अध्यक्ष) , आकाश दादा बारणे , संदीप आमले व संजय राक्षे , शाम केदारी व नितीन देवकाते. रवी आरेकर विनोद कदम दीपक देवकाते , आबासाहेब ढवळे , गणेश सुतार. , काटे सर स्वामी विवेकानंद , संदीप कंद , सतीश गोड बंश मार्बल ,साई दर्शन स्टील , संजय पेरुमणी

गरबा-दांडियाच्या तालावर रंगली नऊ दिवसांची सांस्कृतिक पर्वणी!

नवरात्रोत्सव हा केवळ धार्मिक उत्सव नसून भारतीय संस्कृती, परंपरा, भक्ती आणि सामाजिक एकोप्याचे प्रतीक मानला जातो. नऊ दिवस देवीच्या विविध रूपांची आराधना करताना गरबा आणि दांडिया नृत्याला विशेष महत्त्व असते. गुजरातच्या सांस्कृतिक परंपरेतून लोकप्रिय झालेल्या गरबा नृत्यात देवीच्या शक्तिरूपाची आराधना केली जाते, तर दांडिया नृत्यात रंगीबेरंगी काठ्यांच्या तालबद्ध हालचालींतून आनंद, उत्साह आणि सामूहिक सहभागाचे दर्शन घडते.

याच परंपरेचा सुंदर संगम थेरगावमधील नवरात्रोत्सवात अनुभवायला मिळाला. आकर्षक पारंपरिक पोशाख, रंगीबेरंगी वेशभूषा, तालबद्ध पावले, संगीताची धून आणि दांडियाच्या काठ्यांचा निनाद यामुळे प्रत्येक दिवस उत्साहाने भारलेला होता. महिला आणि युवतींच्या उत्स्फूर्त सहभागामुळे गरबा-दांडिया मैदानावर विशेष रंगत आली. युवकांनीही मोठ्या उत्साहाने सहभाग नोंदवला, तर बालचमूंच्या सहभागाने उत्सवाला अधिकच आनंददायी स्वरूप प्राप्त झाले.

या उपक्रमामुळे विविध वयोगटांतील नागरिकांना एकत्र येण्याची, आपली कला सादर करण्याची आणि सणाचा आनंद सामूहिकरीत्या अनुभवण्याची संधी मिळाली. धार्मिक श्रद्धा, सांस्कृतिक परंपरा आणि सामाजिक बांधिलकी यांचा सुंदर मिलाफ या महोत्सवातून पाहायला मिळाला.

नृत्य स्पर्धेत विजेत्यांवर बक्षिसांचा वर्षाव!

नवरात्रोत्सवानिमित्त आयोजित गरबा-दांडिया नृत्य स्पर्धेलाही सहभागींचा उत्स्फूर्त प्रतिसाद मिळाला. नृत्यकौशल्य, तालबद्धता, सादरीकरण आणि उत्साहाच्या माध्यमातून स्पर्धकांनी आपली कला सादर केली. या स्पर्धेचा निकाल जाहीर झाल्यानंतर विजेत्यांना मान्यवरांच्या हस्ते आकर्षक बक्षिसे प्रदान करण्यात आली. बक्षीस वितरण सोहळाही मोठ्या उत्साहात पार पडला.

स्पर्धेतील पारितोषिकांचे तपशील पुढीलप्रमाणे :

प्रथम क्रमांक – सौ. किया म्हस्के : सचिन भाऊ सागरे यांच्या वतीने अॅक्टिव्हा दुचाकी.

द्वितीय क्रमांक – सौ. अर्चनाताई ठेंगळे : मंडळाचे संस्थापक व सामाजिक कार्यकर्ते प्रमोद भाऊ पवार यांच्या वतीने आयफोन.

तृतीय क्रमांक – सपना सोनी : साहिल शेठ गुंजाळ यांच्या वतीने स्मार्ट टीव्ही.

चतुर्थ क्रमांक – ज्योती लक्ष्मण अंकुशराव : निलेश शेठ दळवी यांच्या वतीने फ्रिज.

पाचवा क्रमांक – प्राजक्ता दुधडकर : सागर भाऊ बारणे यांच्या वतीने वॉशिंग मशीन.

सहावा क्रमांक – सविता गायकवाड : लकी ड्रॉद्वारे मंडळाच्या वतीने स्मार्ट टीव्ही.

आकर्षक बक्षिसांमुळे स्पर्धकांमध्ये उत्साहाचे वातावरण निर्माण झाले. नृत्यकलेला प्रोत्साहन देण्याबरोबरच महिलांच्या कलागुणांना व्यासपीठ उपलब्ध करून देण्याचा मंडळाचा प्रयत्न या उपक्रमातून अधोरेखित झाला.

मंडळाच्या कार्यकर्त्यांच्या मेहनतीतून महोत्सव यशस्वी

नऊ दिवस चालणाऱ्या या भव्य उत्सवाचे नियोजन आणि व्यवस्थापन करण्यासाठी मंडळाच्या पदाधिकारी व कार्यकर्त्यांनी विशेष मेहनत घेतली. मंडळाचे संस्थापक तथा सामाजिक कार्यकर्ते प्रमोद भाऊ पवार, अध्यक्ष सागर भाऊ वाघमारे, उपाध्यक्ष शुभम भाऊ वाघमारे, मंडळाचे शक्तिस्थान व आधारस्तंभ विनोद भाऊ पवार, उत्सवप्रमुख दिगंबर भाऊ पवार, खजिनदार सनी डोळस आणि सहखजिनदार श्रीशैल कांबळे (प्रकाश देवनगाव),संभाजी आरसुळे यांनी उत्सवाच्या नियोजनात महत्त्वाची भूमिका बजावली.

यांच्यासह पै. विशाल गायकवाड, सुमित बनसोडे, विनू कांबळे, सिद्धू कांबळे, रोहित शिवसरण, प्रद्युमन उदावंत, प्रेम पवार, सनी पारखी, सौरभ रोकडे, अक्षय रोकडे, आदित्य देवराम आणि आकाश गायकवाड आकाश शेलार ,  जावेद शेख व कपिल काठे, प्रशांत नाटेकर, करण गायकवाड , नागेश नायडू जहांगीर शेख ., बंटी दादा खताळ , माहि सिद्दिकी. मलंग शेख , अजय कवचत या कार्यकर्त्यांनी उत्सव यशस्वी करण्यासाठी परिश्रम घेतले.

भक्ती, संस्कृती आणि सामाजिक एकोप्याचा संदेश

नवरात्रोत्सवाच्या निमित्ताने आयोजित गरबा-दांडिया महोत्सवाने थेरगाव परिसरातील नागरिकांना एकत्र आणत सांस्कृतिक परंपरेचे जतन करण्याचा संदेश दिला. महिलांना आणि युवतींना आपले नृत्यकौशल्य सादर करण्यासाठी व्यासपीठ मिळाले, तर युवक आणि बालचमूंनाही उत्सवात सहभागी होण्याची संधी मिळाली. सामूहिक सहभाग, नियोजनबद्ध आयोजन आणि कार्यकर्त्यांच्या मेहनतीमुळे श्री शिवछत्रपती शिवाजी मित्र मंडळाचा शारदीय नवरात्रोत्सव उत्साहपूर्ण वातावरणात यशस्वीरीत्या संपन्न झाला.

देवीची भक्ती, गरबा-दांडियाचा जल्लोष, स्पर्धेतील चुरस आणि विजेत्यांच्या आनंदाने नटलेल्या या महोत्सवाने थेरगावकरांच्या मनात आनंददायी आठवणी निर्माण केल्या. नवरात्रोत्सवाच्या माध्यमातून धार्मिक श्रद्धेसोबतच सामाजिक सलोखा, सांस्कृतिक जतन आणि महिला सक्षमीकरणाचा संदेश देणारा हा उपक्रम परिसरात विशेष आकर्षण ठरला.