शबनम न्यूज | प्रतिनिधी
पिंपरी-चिंचवड महानगरपालिकेच्या निवडणुकीत प्रभाग क्रमांक ५, गवळी नगर येथून राष्ट्रवादी काँग्रेस (अजित पवार गट) यांच्या अधिकृत उमेदवार प्रियांकाताई प्रवीण बारसे यांचा प्रचार सध्या जोमात सुरू आहे. प्रचारादरम्यान नागरिकांकडून मिळणारा उत्स्फूर्त प्रतिसाद आणि वाढता पाठिंबा पाहता मतदारांचा शुभाशीर्वाद त्यांच्या पाठीशी ठामपणे उभा असल्याचे चित्र स्पष्टपणे दिसून येत आहे.
प्रियांकाताई बारसे यांनी घरोघरी भेटी देत मतदारांशी थेट संवाद साधला. नागरिकांच्या दैनंदिन समस्या, पाणीपुरवठा, रस्ते, ड्रेनेज, कचरा व्यवस्थापन, आरोग्य सुविधा, महिला व ज्येष्ठ नागरिकांचे प्रश्न याबाबत त्यांनी सविस्तर माहिती घेतली. यावेळी त्यांनी आपले परिचय पत्रक वाटप करत आगामी काळातील विकासात्मक आराखडा मतदारांसमोर मांडला.
प्रचारादरम्यान अनेक मतदारांनी प्रियांका ताई बारसे यांना पाहून समाधान व्यक्त केले. “त्या आमच्या भागातील आहेत, आमच्या अडचणी त्यांना माहीत आहेत,” अशी भावना नागरिकांकडून व्यक्त होत आहे. मागील अनेक वर्षांपासून प्रभाग क्रमांक ५ मध्ये त्या सामाजिक कार्य, महिला सक्षमीकरण, युवकांच्या प्रश्नांसाठी सातत्याने सक्रिय राहिल्या आहेत. त्यांच्या कार्यपद्धतीची, सहज उपलब्धतेची आणि प्रामाणिक प्रयत्नांची मतदारांकडून विशेष दखल घेतली जात आहे.
स्थानिक विकासकामांमध्ये त्यांचा सहभाग, प्रशासनाशी असलेला संवाद आणि नागरिकांच्या प्रश्नांसाठी केलेली पाठपुरावा यामुळे प्रियांका ताई बारसे यांची विश्वासार्ह प्रतिमा तयार झाली आहे. त्यामुळे यावेळी देखील मतदार त्यांना पुन्हा एकदा प्रतिनिधित्व करण्याची संधी देतील, असा विश्वास त्यांच्या समर्थकांकडून व्यक्त केला जात आहे.
एकूणच प्रभाग क्रमांक ५ मध्ये प्रियांका ताई बारसे यांच्या प्रचाराला मिळणारा प्रतिसाद पाहता निवडणूक वातावरण अधिकच रंगतदार झाले असून राष्ट्रवादी काँग्रेसच्या उमेदवार म्हणून त्या मजबूत दावेदार ठरत असल्याचे चित्र आहे.
