Pune Crime News : देहूरोड गोळीबार (Crime News) प्रकरणात मोठी अपडेट समोर आली असून या प्रकरणी देहूरोड पोलिसांनी दोन संशयितांना ताब्यात घेतलं आहे. काल (29 एप्रिल) रात्रीच्या सुमारास देहूरोडमध्ये झालेल्या गोळीबारात (Pune Crime News) रमेश रेड्डीची गोळ्या झाडून हत्या झाली होती. या प्रकरणात पोलिसांनी (Pune Police) तपासाचे चक्र गतिमान करत दोन संशयित पोलिसांनी ताब्यात घेतले आहेत. यातील एक संशयित मावळ तालुक्यातील गहुंजे मधील साई नगरमधून ताब्यात घेण्यात आला आहे. तर दुसरा संशयित देहूरोड मधील थॉमस कॉलनी इथून पहाटेच्या दरम्यान पोलिसांनी ताब्यात घेतला आहे. सध्या पोलीस (Police) या प्रकरणाचा तपास करत असून यातील मारेकरी शोधून काढणं आता पोलिसांपुढचं आव्हान असणार आहे.
देहूरोडमध्ये गोळीबारची थरारक घटना घडली होती. यात भाजपचे सक्रिय कार्यकर्ते रमेश रेड्डी यांच्यावर अज्ञात हल्लेखोरांनी गोळीबार केला असून यात एकामागोमाग एक राऊंड फायर केले होते. यातील एक गोळी रमेश रेड्डी यांच्या मस्तकाला भेदून गेल्याने त्याना जखमी अवस्थेत देहूरोडच्या आधार हॉस्पिटलमध्ये उपचारासाठी दाखल केलं असता, उपचारापूर्वीच त्यांचा मृत्यू झाल्याचे डॉक्टरांनी घोषित केलं.
दरम्यान, या घटनेनं परिसरात मोठा तणाव निर्माण झाला होता, तर रमेश रेड्डीचे नातेवाईक मित्र परिवाराने हॉस्पिटलमध्ये आक्रोश करत जुना पुणे-मुंबई महामार्ग जाम करण्याचा प्रयत्न केला, पण देहूरोड पोलिसांच्या हस्तक्षेपनंतर रमेश रेड्डीचा मृतदेह पिंपरी चिंचवडच्या यशवंतराव चव्हाण रुग्णालयात हलविण्यात आला. तर रमेश रेड्डीवर हल्ला झाल्याचं कारण पोलीस तपासात समोर येईल तर या गोळीबाराच्या घटनेमुळे देहूरोड बाजारातील दुकाने व्यापारी वर्गाने त्वरित बंद केली होती. या घटनेनंतर परिसरात पोलीस बंदोबस्त वाढवण्यात आला आहे. अशातच आता पोलिसांनी तपासाची चक्र गतिमान करत दोन संशयितांना अटक केली आहे.
पिंपरी चिंचवडचे डीसीपी विशाल गायकवाड यांनी दिलेल्या माहितीनुसार देहुरोड पोलीस स्टेशनच्या हद्दीत सवाना चौक येथे अग्निशस्त्र वापरुन एकावर हल्ला झाल्याची माहिती मिळाली होती. पोलीस घटनास्थळी पोहोचताच रमेश रेड्डी याच्यावर अज्ञात इसमंनी गोळीबार केल्याचं निष्पन्न झालं. सवाना चौकातील आधार हॉस्पिटलमध्ये दाखल करण्यात आलं होतं, मात्र रुग्णालयात पोहोचण्यापूर्वीच रमेश रेड्डीचा मृत्यू झाला होता. पोलिसांनी हल्लेखोरांच्या शोधासाठी पथकं पाठवली असल्याची माहिती देखील विशाल गायकवाड यांनी दिली आहे. दरम्यान, या प्रकरणातील हल्लेखोर कोण होते? कोणत्या हेतूनं रमेश रेड्डी यांच्यावर गोळीबार झाला, या सर्व गोष्टींचा तपास पिंपरी चिंचवड पोलिसांना करावा लागणार आहे.
