दुष्काळाचा सामना करणाऱ्या कुटुंबांच्या दैनंदिन गरजांना हातभार लावण्यासाठी नरळे यांनी या वाटपाचे आयोजन केले. मदत किटमध्ये गहू, तांदूळ, बाजरी, ज्वारी, तूरडाळ, साखर, खाद्यतेल, बेसन, चहा पावडर, मसाला आणि मीठ यांचा समावेश होता.
वाटपावेळी कुकडेश्वरचे सरपंच, उपसरपंच, ग्रामपंचायत सदस्य, स्थानिक पदाधिकारी, कार्यकर्ते आणि ग्रामस्थ उपस्थित होते. जीवनावश्यक साहित्य थेट गरजू कुटुंबांपर्यंत पोहोचवल्याबद्दल ग्रामस्थांनी आमदार महेश लांडगे आणि नगरसेविका शिवानी नरळे यांचे आभार मानले.
“आमदार महेशदादा लांडगे हे नेहमीच समाजातील प्रत्येक घटकाच्या मदतीसाठी तत्पर असतात. त्यांच्या समाजसेवेच्या विचारांतून प्रेरणा घेऊन त्यांच्या वाढदिवसानिमित्त गरजू कुटुंबांना मदतीचा हात देण्याचा हा छोटासा प्रयत्न आहे. यापुढेही गावाच्या विकासासाठी आणि ग्रामस्थांच्या अडचणीच्या काळात मदतीसाठी आम्ही कटिबद्ध आहोत.”




Total Users : 243078