शबनम न्यूज | प्रतिनिधी
भारतीय टी-20 क्रिकेटमध्ये नव्या पर्वाची सुरुवात झाली असून संघाच्या नेतृत्वाची धुरा आता Shreyas Iyer यांच्या खांद्यावर सोपविण्यात आली आहे. सातत्याने खराब फॉर्मशी झुंज देत असलेल्या Suryakumar Yadav यांना कर्णधारपदासह संघातील स्थानही गमवावे लागले आहे.
आयर्लंड आणि इंग्लंड दौऱ्यासह आगामी एशियन गेम्ससाठी जवळपास हाच भारतीय टी-20 संघ कायम ठेवण्यात येणार आहे. नव्या संघाचे नेतृत्व श्रेयस अय्यर करणार असून Tilak Varma यांच्याकडे उपकर्णधारपदाची जबाबदारी सोपविण्यात आली आहे.
या संघातील सर्वात मोठे आकर्षण ठरला आहे १५ वर्षीय युवा फलंदाज Vaibhav Suryavanshi. आयपीएल २०२६ मध्ये आपल्या आक्रमक फलंदाजीने अनेक विक्रम प्रस्थापित करणाऱ्या वैभवला प्रथमच भारताच्या वरिष्ठ टी-20 संघात स्थान मिळाले आहे. त्याच्या दमदार कामगिरीची ही मोठी दखल मानली जात आहे.
विकेटकीपर म्हणून Sanju Samson आणि Ishan Kishan यांना संधी देण्यात आली आहे. फलंदाजी विभागात Abhishek Sharma यांचे स्थान कायम ठेवण्यात आले आहे.
संघ व्यवस्थापनाने अष्टपैलू खेळाडूंवर विशेष भर दिला असून Shivam Dube, Nitish Kumar Reddy, Axar Patel आणि Washington Sundar यांचा संघात समावेश करण्यात आला आहे.
दरम्यान, प्रमुख वेगवान गोलंदाज Jasprit Bumrah आयर्लंड आणि इंग्लंडविरुद्धच्या टी-20 मालिकांमध्ये उपलब्ध नसणार आहेत. त्यामुळे गोलंदाजी विभागात Arshdeep Singh यांच्यासोबत Mohammed Siraj आणि युवा वेगवान गोलंदाज Prince Yadav यांना संधी देण्यात आली आहे. आयपीएलमधील प्रभावी कामगिरीमुळे मोहम्मद सिराजचे टी-20 संघात पुनरागमन झाले असून प्रिन्स यादवला वनडेनंतर आता टी-20 संघातही स्थान मिळाले आहे.
भारतीय टी-20 संघात झालेल्या या मोठ्या बदलांमुळे आगामी स्पर्धांमध्ये युवा आणि अनुभवी खेळाडूंचा समतोल साधण्याचा प्रयत्न निवड समितीने केल्याचे दिसून येत आहे. नव्या नेतृत्वाखाली भारतीय संघ कशी कामगिरी करतो, याकडे क्रिकेटप्रेमींचे लक्ष लागले आहे.
