प्रभाग क्रमांक 23 च्या विकासासाठी लढविणार निवडणूक
शबनम न्यूज | प्रतिनिधी
पिंपरी चिंचवड महानगरपालिकेची निवडणूक येत्या काही दिवसात घोषित होणार आहे. या पार्श्वभूमीवर शहर भारतीय जनता पक्षाच्या वतीने या निवडणुकीसाठी इच्छुक असणाऱ्या उमेदवारांचे अर्ज मागविले जात आहेत.
महानगरपालिकेच्या प्रभाग क्रमांक 23 मधून सौ. नम्रता रवि भिलारे यांचा इच्छुक उमेदवारी अर्ज आज पक्ष कार्यालयात दाखल झाला. सौ. नम्रता भिलारे यांचे पती, थेरगाव परिसरातील सामाजिक कार्यकर्ते रवि भिलारे यांनी हा अर्ज शहर भाजपचे शहर अध्यक्ष शत्रुघ्न (बापू ) काटे यांच्याकडे सुपूर्द केला.
अर्ज दाखल करते वेळी रवि भिलारे यांच्यासोबत माजी नगरसेवक विनायक गायकवाड, माजी नगरसेवक विकास डोळस, मधुकर बच्चे, राज तापकीर यांच्यासह अनेक भाजपचे पदाधिकारी कार्यकर्ते मोठ्या संख्येने उपस्थित होते.
प्रभाग क्रमांक 23 च्या विकासासाठी ही निवडणूक अत्यंत महत्त्वाची असल्याचे यावेळी सौ. नम्रता रवि भिलारे यांनी स्पष्ट केले. आपण सामाजिक कार्यकर्ते रवि भिलारे यांच्यासोबत अनेक वर्षापासून प्रभाग क्रमांक 23 च्या विकासासाठी काम करत असून हा प्रभाग स्मार्ट प्रभाग व्हावा यासाठी आमचे सातत्याने प्रयत्न सुरू आहे. प्रभागाचा सर्वांगीण विकास करण्यासाठी ही निवडणूक आपण लढविणार असल्याचे यावेळी सौ. नम्रता रवि भिलारे यांनी सांगितले तसेच आपला भारतीय जनता पक्षाच्या पक्षश्रेष्ठींवर पूर्ण विश्वास असून पक्षश्रेष्ठी आपल्याला नक्कीच प्रभाग क्रमांक 23 मध्ये निवडणूक लढविण्यासाठी उमेदवारी देतील असा विश्वास नम्रता भिलारे यांनी व्यक्त केला.
