शबनम न्यूज | प्रतिनिधी
थोर समाजसुधारक संत जगनाडे महाराज यांच्या जयंती निमित्त पिंपरी चिंचवड महानगरपालिकेच्या वतीने त्यांना अभिवादन करण्यात आले.
महापालिकेचे विशेष अधिकारी किरण गायकवाड यांनी पिंपरी येथील मुख्य प्रशासकीय इमारतीतील संत जगनाडे महाराज यांच्या प्रतिमेस पुष्पहार अर्पण करून अभिवादन केले.
यावेळी सह शहर अभियंता अनिल भालसाखळे, जनता संपर्क अधिकारी प्रफुल्ल पुराणिक, माजी नगरसदस्य बन्सी पारडे, पुणे महसूल विभागाच्या राज्य समन्वय समितीचे सदस्य ॲड. विशाल डोंगरे,सामाजिक कार्यकर्ते डॉ. गणेश अंबिके, अनिल राऊत, विनीत राऊत, संजय जगनाडे,सुनील डोंगरे, प्रदीप सायकर,दिलीप चौधरी, संतोष साखरे, प्रथमेश अंबेरकर, अभिजित भोसले, राहुल खानविलकर, सोनाली खानविलकर, प्रवीण खानविलकर, प्रणाली खानविलकर, विजय अंबेरकर, विनिता अंबेरकर, रवींद्र हरसुलकर, विनीत राऊत, विजय महाडिक, रोहित राऊत,राजाराम वंजारे,तसेच महापालिकेच्या विविध विभागांतील अधिकारी व कर्मचारी उपस्थित होते.
यावेळी उपस्थितांनी “आम्ही, भारताचे नागरिक, लोकशाहीवर निष्ठा ठेवून, याद्वारे प्रतिज्ञा करतो की, आपल्या देशाच्या लोकशाही परंपरांचे जतन करू आणि मुक्त, निःपक्षपाती व शांततापूर्ण वातावरणातील निवडणुकांचे पावित्र्य राखू व प्रत्येक निवडणुकीत निर्भयपणे तसेच धर्म, वंश, जात, समाज, भाषा यांच्या विचारांच्या प्रभावाखाली न येता किंवा कोणत्याही प्रलोभनास बळी न पडता मतदान करू”, अशी मतदानाची शपथ घेतली आणि येत्या महापालिका निवडणुकीत १०० % टक्के मतदान करण्याचा निर्धारही व्यक्त केला,प्रफुल्ल पुराणिक यांनी मतदान शपथेचे वाचन केले.
यावेळी अभिवादन प्रसंगी बोलताना विशेष अधिकारी किरण गायकवाड म्हणाले की,जगद्गुरू संत तुकाराम महाराज यांच्या विचारांचा प्रचार व प्रसार करण्याचे महत्त्वपूर्ण कार्य संत जगनाडे महाराज यांनी केले. संत जगनाडे महाराजांच्या व्यापक विचारांचा वारसा भावी पिढीने जोपासावा.या माध्यमातून सूजाण नागरिक घडण्यास मदत होणार असून देश बळकट होण्यास मदत होणार आहे. लोकशाही बळकट करण्यासाठी सर्वांनी आगामी महापालिका सार्वत्रिक निवडणुकीत सहभागी होऊन आपला मतदानाचा हक्क बजवावा असे आवाहनही गायकवाड यांनी केले.
