शबनम न्यूज | प्रतिनिधी
पिंपरी चिंचवड लघुउद्योग संघटनेच्या वतीने एमएसएमई- डीएफओ मुंबई, आयोजित ‘भारतातील एमएसएमईच्या खर्च आणि स्पर्धात्मकतेवर क्लस्टर स्तरावरील कार्यशाळे’च्या अनुषंगाने, एमएसएमई डीएफओ, मुंबईला ‘एमएसएमई संवाद’ अंतर्गत, ‘भारतातील एमएसएमईच्या खर्च आणि स्पर्धात्मकतेवर’ पुणे येथे ८ डिसेंबर २०२५ (सोमवार) रोजी ‘विभागीय परिषद’ (Zonal Conference) आयोजित करण्यात आली आहे.
सूक्ष्म, लघु आणि मध्यम उद्योग मंत्रालयाने (MSME) एमएसएमईसमोर येणाऱ्या आव्हानांची ओळख पटवण्यासाठी आणि खर्च कमी करण्यासोबतच स्पर्धात्मकता वाढवण्यासाठी कृतीशील शिफारसी विकसित करण्याच्या उद्देशाने ‘भारतातील एमएसएमईच्या खर्च आणि स्पर्धात्मकतेवर’ ‘एमएसएमई संवाद’ नावाचा देशव्यापी उपक्रम हाती घेतला आहे. एमएसएमई आणि तळगाळातील भागधारकांकडून अभिप्राय सुनिश्चित करण्यासाठी, क्लस्टर-स्तरीय कार्यशाळांपासून सुरुवात करून, त्यानंतर विभागीय परिषदा आणि राष्ट्रीय शिखर परिषदेपर्यंत जाणारा, तीन-स्तरीय दृष्टिकोन स्वीकारण्यात आला आहे.
पहिल्या टप्प्यात, देशभरातील ७५ ठिकाणी क्लस्टर-स्तरीय कार्यशाळा आयोजित करण्यात आल्या, ज्यात ६,७०० हून अधिक भागधारकांनी सहभाग घेतला होता. महाराष्ट्रात, नागपूर, पुणे आणि कोल्हापूर येथे क्लस्टर-स्तरीय कार्यशाळा आयोजित करण्यात आल्या आणि या कार्यशाळांमधून मौल्यवान माहिती प्राप्त झाली.
या उपक्रमाच्या दुसऱ्या टप्प्यात, ११ ठिकाणी विभागीय परिषदांचा समावेश आहे, ज्या विशेषतः क्षेत्र-विशिष्ट आव्हानांवर चर्चा करण्यासाठी, माहिती एकत्रित करण्यासाठी आणि त्यांचे कृतीशील शिफारसींमध्ये रूपांतर करण्यासाठी डिझाइन केल्या गेल्या आहेत. या विभागीय परिषदांचे निष्कर्ष नवी दिल्ली येथे होणाऱ्या राष्ट्रीय शिखर परिषदेचा मार्ग मोकळा करतील, जी माननीय पंतप्रधानांच्या प्रतिष्ठित उपस्थितीत आयोजित होण्याची शक्यता आहे. महाराष्ट्रातील विभागीय परिषद पुणे येथे आयोजित केली जाणार आहे.
एमएसएमई क्षेत्रातील एक महत्त्वाचे भागधारक म्हणून, ही संधी घेऊन आपणास या विभागीय परिषदेचे (Zonal Conference) आमंत्रण देण्यात येते की, सदर विभागीय परिषदेस आपण उपस्थित राहून *मौलिक योगदान* (valuable inputs) द्यावे.
लघु व सूक्ष्म उद्योजकांना (MSEs) या परिषदेत सहभागी होण्यासाठी *प्रोत्साहित करून * (mobilize participation), जेणेकरून अधिक मौल्यवान अंतर्दृष्टी (insights) आणि माहिती मिळू शकेल आणि ती संकलित करून राष्ट्रीय शिखर परिषदेदरम्यान धोरण स्तरावर हस्तक्षेपासाठी (policy level intervention) विचारार्थ एमएसएमई मंत्रालयाकडे सादर करता येईल.
महाराष्ट्रातील एमएसएमई क्षेत्राच्या वाढ आणि विकासासाठी या विभागीय परिषदेला *अर्थपूर्ण व्यासपीठ* (meaningful platform) बनविण्यात आपले सहकार्य *महत्त्वपूर्ण* (instrumental) ठरेल.
