‘एचआर शेअर २०२५’च्या परिषदेत, ‘भविष्यातील कामाचे स्वरूप : तंत्रज्ञान आणि माणूस यांच्यातील समतोल’ या विषयावर चर्चा

शबनम न्यूज | प्रतिनिधी

इंटरनॅशनल स्कूल ऑफ बिझनेस अँड मीडीया (ISB&M), पुणे तर्फे संस्थेचा वार्षिक भव्य परिषद ‘एचआर शेअर २०२५’ अत्यंत उत्साहात पार पडली . विद्यार्थ्यांनी आयोजित केलेल्या या कार्यक्रमाचे मार्गदर्शन संस्थेचे संस्थापक-अध्यक्ष डॉ. प्रमोद कुमार आणि प्रा. राजू धर* यांनी केले.

“Navigating the Future of Work: The Struggle for Space between Technology and People” या विषयावर आधारित या परिषदेत तंत्रज्ञान आणि मानव यांच्यातील नातेसंबंध, कृत्रिम बुद्धिमत्तेचा प्रभाव आणि भविष्यातील कार्यपद्धती यावर सखोल चर्चा झाली.

या दोन दिवसीय परिषदेला ५०० हून अधिक प्रतिनिधी, १०० कॉर्पोरेट डेलीगेट्स आणि ५० पेक्षा अधिक कंपन्या देशभरातून सहभागी झाल्या. उद्घाटन सत्राला सीमेन्स हेल्थिनियर्सचे सीएचआरओ राहुल कुलकर्णी हे प्रमुख अतिथी, तर आदाणी रिअल्टीचे बिझनेस एचआर हेड श्रीकांत पवार हे विशेष अतिथी म्हणून उपस्थित होते.

आपल्या भाषणात राहुल कुलकर्णी म्हणाले, “हे तंत्रज्ञान विरुद्ध माणूस नाही — तर तंत्रज्ञानासह माणूस आहे. भविष्यातील यश हे दोघे कसे एकमेकांना पूरक ठरतात यावर अवलंबून असेल.”
तर श्रीकांत पवार म्हणाले, “आपण अशा काळात जगत आहोत जिथे माणूस आणि तंत्रज्ञान खरोखरच एकत्रितपणे प्रगती करतील.”

मुख्य वक्ते *गॅब्रिएल इंडियाचे सिनियर व्हाइस प्रेसिडेंट आणि सीएचआरओ विनोद रझदान तसेच आदित्य बिर्ला ग्रुप–हिंडाल्कोचे सीएचआरओ समित बसू यांनी तंत्रज्ञानाच्या युगातील मानवी संबंध, संस्थात्मक नेतृत्व आणि परिवर्तन व्यवस्थापनावर मोलाचे विचार मांडले.

या परिषदेत GAIL, ASSA ABLOY, ATOS, Boeing, Carrier, EY, Flipkart, IIFL Finance, ICICI Bank, Tata Motors, Nippon India Mutual Fund यांसारख्या नामांकित कंपन्यांतील वरिष्ठ अधिकारी सहभागी झाले होते .
झी एंटरटेनमेंटच्या दिव्या शुक्ला यांनी मीडिया उद्योगातील एचआरच्या बदलत्या भूमिकेबाबत विचार मांडत सर्जनशीलता आणि संघटनात्मक उत्कृष्टतेचा समतोल कसा साधावा, यावर मार्गदर्शन केले.

या कार्यक्रमाचे टायटल स्पॉन्सर Black Orange Talent Executive, असोसिएट स्पॉन्सर Credila, तर को-स्पॉन्सर RTEK Sound Solutions होते.

या प्रसंगी डॉ. प्रमोद कुमार, संस्थापक-अध्यक्ष, आयएसबीअँडएम म्हणाले,
“भविष्य त्यांचं असेल जे तंत्रज्ञानासोबत राहायला शिकतील. कृत्रिम बुद्धिमत्तेच्या युगात सतत शिक्षण आणि बदलांना स्वीकारण्याची वृत्ती हेच यशाचं रहस्य असेल.”

AICTE मान्यता प्राप्त आणि AMBA तसेच AACSB आंतरराष्ट्रीय मानांकन असलेली आयएसबीअँडएम संस्था उत्कृष्ट व्यवस्थापन शिक्षणासाठी देशातील अग्रगण्य संस्थांपैकी एक मानली जाते. या संस्थेचे १२,००० पेक्षा अधिक माजी विद्यार्थी ४६ देशांमध्ये विविध क्षेत्रांमध्ये नेतृत्वाच्या भूमिकांमध्ये कार्यरत आहेत.

‘एचआर शेअर २०२५’ सारखे उपक्रम म्हणजे उद्योग आणि शिक्षण यांच्यातील दुवा मजबूत करण्याचे उत्तम उदाहरण आहे — जिथे “ज्ञानाला संधी आणि नेतृत्वाला उद्देश मिळते .”