शबनम न्यूज | प्रतिनिधी
स्वराज्याच्या संकल्पनेला आकार देणाऱ्या आणि छत्रपती शिवाजी महाराजांसारख्या महान योद्ध्याला घडविणाऱ्या स्वराज संकल्पक राजमाता जिजाऊ आईसाहेब यांची जयंती शिवसेना उपनेते मा. इरफानभाई सय्यद यांच्या प्रमुख उपस्थितीत चिंचवड येथे मोठ्या उत्साहात साजरी करण्यात आली.
महाराष्ट्र मजदूर संघटना कार्यालय, जिजामाता मार्केट, शाहूनगर, चिंचवड (पुणे) येथे सोमवार दि. १२ जानेवारी २०२६ रोजी सकाळी १० वाजता हा कार्यक्रम पार पडला. यावेळी राजमाता जिजाऊ आईसाहेब यांच्या प्रतिमेस पुष्पहार अर्पण करून अभिवादन करण्यात आले.
या कार्यक्रमास शिवसेना उपनेते तथा महाराष्ट्र मजदूर संघटनेचे संस्थापक व अध्यक्ष मा. इरफानभाई सय्यद, संघटनेचे खजिनदार नागेश व्हानवटे यांच्यासह दीपक पालांडे, पिंजरकर काका, पांडुरंग गव्हाणे, सुनील पाडाळे, पारवे काका, पांडुरंग कदम, दादा कदम, संकेत चावरे, समर्थ नाईकवाडे, बबन काळे, अमित पासलकर, गणेश नाईकवाडे, आयुष शिंदे, रतन भोजने तसेच संघटनेचे इतर पदाधिकारी व कार्यकर्ते मोठ्या संख्येने उपस्थित होते.
यावेळी मार्गदर्शन करताना इरफानभाई सय्यद म्हणाले,
“राजमाता जिजाऊ आईसाहेब यांनी दिलेले संस्कार, स्वराज्याची जाणीव आणि समाजासाठी झटण्याची प्रेरणा आजही समाजाला दिशा देणारी आहे. त्यांच्या विचारांवर चालत कामगार, सामान्य जनता आणि वंचित घटकांच्या हितासाठी प्रामाणिकपणे संघर्ष करणे हीच त्यांना खरी आदरांजली ठरेल.”
राजमाता जिजाऊ आईसाहेब यांच्या त्यागमय जीवनकार्याचा आणि स्वराज्यनिर्मितीतील योगदानाचा उपस्थितांनी यावेळी गौरव केला. कार्यक्रम शांततापूर्ण, शिस्तबद्ध व प्रेरणादायी वातावरणात संपन्न झाला.
