शबनम न्यूज | प्रतिनिधी
सकाळच्या मंद वाऱ्याने सावित्रीबाई फुले पुणे विद्यापीठाच्या ऐतिहासिक परिसराला स्पर्श करताच, पुणे शहरात उत्साह, ऊर्जा आणि भक्तीची प्रचंड लाट उमटली. भगवंत श्री सत्य साई बाबा यांच्या जन्मशताब्दी वर्षानिमित्त आयोजित करण्यात आलेल्या ‘श्री सत्य साई रन अँड राईड’ या भव्य उपक्रमाचे आयोजन श्री सत्य साई सेवा संस्था, महाराष्ट्र (पश्चिम) यांनी केले होते. या उपक्रमाच्या उदात्त हेतूचा गौरव म्हणून युवा व्यवहार आणि क्रीडा मंत्रालयाने फिट इंडिया माध्यमातून देशभर या कार्यक्रमाला समर्थन दिले आहे.
पुणे आवृत्तीमध्ये शहरातील नागरिक, युवक संघटना, स्वयंसेवक आणि अनेक मान्यवरांचा सहभाग झाला, ज्यातून एकात्मता आणि सामूहिक आरोग्याचा संदेश अधोरेखित झाला.
3 किलोमीटर, 5 किलोमीटर आणि 10 किलोमीटर धावणे व सायकलिंग या श्रेणींमध्ये 5,000 हून अधिक सहभागी उत्साहाने सहभागी झाले. विद्यापीठ परिसर सौहार्द, एकत्रता आणि सामाजिक जागरूकतेच्या रंगांनी उजळून निघाला.
कार्यक्रमात सरकारी, औद्योगिक आणि नागरी क्षेत्रातील अनेक मान्यवरांनी उपस्थित राहून कार्यक्रमाची शोभा वाढवली. यामध्ये राजन नवानी, चेअरमन आणि व्यवस्थापकीय संचालक, जेटलाइन ग्रुप ऑफ कंपनीज, धर्मेश वैद्य, स्टेट प्रेसिडेंट, श्री सत्य साई सेवा संस्था, महाराष्ट्र पश्चिम, कॅ. गिरीश लेले, जिल्हाध्यक्ष, श्री सत्य साई सेवा संस्था, पुणे, प्रा. पराग काळकर, माननीय प्र-उपकुलगुरू, सावित्रीबाई फुले पुणे विद्यापीठ, पुणे, श्री. रवींद्र शिंगापुरकर, सदस्य, व्यवस्थापन परिषद, सावित्रीबाई फुले पुणे विद्यापीठ, पुणे, प्रा. डी. बी. पवार, सदस्य, व्यवस्थापन परिषद, सावित्रीबाई फुले पुणे विद्यापीठ, पुणे, प्रा. ज्योती भाकरे, कार्यवाहक निबंधक, सावित्रीबाई फुले पुणे विद्यापीठ, पुणे, सुचेता कडेठाणकर, पुण्यातील भारतीय क्रीडापटू, रिची माथुर, सह-संस्थापक आणि उपाध्यक्ष, लाइटहाऊस कम्युनिटीज, अभिषेक उभे, अनुभवी क्रीडापटू, डॉ. सुधाम शेखे, सहाय्यक संचालक, क्रीडा, डॉ. विष्णु पेटखर, प्रमुख, क्रीडा आणि शारीरिक शिक्षण विभाग, प्रा. विनायक जोशी, संचालक, अंतर्गत गुणवत्ता आश्वासन कक्ष, प्रा. वैभव जाधव, दूरस्थ आणि ऑनलाइन शिक्षण केंद्र मान्यवरांचा समावेश होता:
श्री धर्मेश वैद्य, स्टेट प्रेसिडेंट, श्री सत्य साई सेवा संस्था, महाराष्ट्र पश्चिम, म्हणाले,“श्री सत्य साई रन अँड राईड हा फक्त एक उपक्रम नाही; तो कृतीतून हृदयांना जोडणारा एक उपक्रम आहे. आम्ही भगवंत श्री सत्य साई बाबा यांच्या 100 व्या जन्मवर्षाचे औचित्य साधत त्यांच्या निःस्वार्थ प्रेम, एकात्मता आणि सेवा या संदेशाला पुढे नेत आहोत. आज पुणे ने फक्त धाव किंवा सायकल चालवली नाही तर या चिरंतन मूल्यांची पुन्हा प्रचिती दिली.”
प्रा.पराग काळकर, माननीय प्र-उपकुलगुरू, एसपीपीयू यांनी सांगितले,“अशा कार्यक्रमांची सांगड फिट इंडिया च्या दृष्टीकोनाशी आणि युवकांच्या सक्षमीकरणाशी अत्यंत सुंदरपणे जुळते. श्री सत्य साई सेवा संघटना नागरिकांना एका ध्येयासाठी एकत्र आणत आहे — करुणेसह फिटनेस, भक्तीसह शिस्त आणि सेवेसह सामर्थ्य.”
श्री राजन नवानी, चेअरमन आणि व्यवस्थापकीय संचालक, जेटलाइन ग्रुप ऑफ कंपनीज, म्हणाले,“श्री सत्य साई रन अँड राईड हा विश्वास आणि फिटनेस यांचा सुंदर मिलाफ आहे, जो सशक्त समुदाय उभारण्यास मदत करतो. सर्वसमावेशकता, सेवा आणि एकत्रता यांवर आधारित हा उपक्रम भारताच्या ‘विविधतेत एकता’ आणि ‘उद्दिष्टपूर्ण प्रगती’ या मूलभावनांचे प्रतीक आहे.”
कॅ.गिरीश लेले,जिल्हाध्यक्ष,श्री सत्य साई सेवा संस्था,पुणे म्हणाले,हा रन अँड राईड उपक्रम संपूर्ण मानवजातीच्या शारीरिक, मानसिक, भावनिक आणि आध्यात्मिक स्तरांवरील तंदुरुस्तीचा एक 360-डिग्री सर्वंकष दृष्टिकोन आहे. तो विश्वशांती, आनंद आणि सौहार्दाचे प्रतिक आहे. हा केवळ शारीरिक क्षमतेचा कस नाही, तर विचार, शब्द आणि कृतीतील समतोल आणि एकात्मतेचा उत्सव आहे.”
कार्यक्रमाचा समारोप सहभागींच्या शारीरिक आरोग्य, मानसिक शांतता आणि सामाजिक सौहार्द जपण्याच्या शपथग्रहणाने झाला. जन्मशताब्दी वर्षानिमित्त, श्री सत्य साई सेवा संस्था, महाराष्ट्र, राज्यभरात समुदाय-आधारित उपक्रमांद्वारे हा संदेश पसरवत राहणार आहे. महाराष्ट्राबाहेरही, संघटनेने श्री सत्य साई प्रेम प्रवाहिनी या देशव्यापी रथयात्रेची सुरुवात केली आहे, जी भारतातील सर्व 28 राज्ये आणि 8 केंद्रशासित प्रदेशांमधून प्रेम आणि एकतेचा संदेश वाहत आहे. त्याचबरोबर, श्री सत्य साई नॅशनल क्रिकेट लीग (SSSNCL) युवकांना क्रीडेद्वारे एकत्र आणत टीमवर्क, शिस्त आणि सेवेमधील मूल्यांना प्रोत्साहन देत आहे — जे भगवंतांच्या सौहार्दपूर्ण समाजाच्या दृष्टीकोनाचा केंद्रबिंदू आहे.
