- पिंपरी चिंचवड शहरात उद्योजकांची बैठक घेण्याची मागणी
शबनम न्यूज | प्रतिनिधी
फोरम ऑफ स्मॉल स्केल इंडस्ट्रीज असोसिएशनचे अध्यक्ष अभय भोर यांनी नुकतीच उपमुख्यमंत्री अजितदादा पवार यांची भेट घेतली. या भेटीत त्यांनी लघु व मध्यम उद्योगांच्या विविध समस्या, अडचणी आणि अपेक्षा मांडल्या. औद्योगिक वसाहतींमधील पायाभूत सुविधा, वीज पुरवठ्यातील अडचणी, शासनाच्या विविध सवलती व योजनांची प्रभावी अंमलबजावणी तसेच एमआयडीसी मधील रस्ते, ड्रेनेज, सुरक्षा व्यवस्था या मुद्द्यांवर सविस्तर चर्चा झाली.
“लघु व मध्यम उद्योग हे राज्याच्या आर्थिक विकासाचा कणा आहेत. या उद्योगांना सक्षम करण्यासाठी सरकारने ठोस पावले उचलावी,” अशी मागणी अभय भोर यांनी या भेटीत केली.
यावेळी उपमुख्यमंत्री अजितदादा पवार यांनी सकारात्मक प्रतिसाद देत समस्यांच्या तातडीने निकाली काढण्याचे आश्वासन दिले.
