शबनम न्यूज | प्रतिनिधी
श्री संत तुकाराम महाराज पालखीतील वारकऱ्यांच्या सेवेसाठी गेली तीस वर्ष मोफत आरोग्य तपासणी शिबिर तसेच वारकऱ्यांच्या पायांचे मसाज आणि पालखी गेल्यानंतर भक्ती शक्ती ते पवळे उड्डाणपुलापर्यंत पिंपरी चिंचवड मनपा सोबत रस्ता स्वच्छता अभियानात उस्फूर्तपणे भाग घेतल्याबद्दल संस्कार प्रतिष्ठान महाराष्ट्र राज्य पिंपरी चिंचवड शहर यांनी केलेल्या बहुमूल्य सहकार्याबद्दल पिंपरी चिंचवड महानगरपालिकेचे आयुक्त शेखर सिंह यांनी संस्कार प्रतिष्ठान महाराष्ट्र राज्य पिंपरी चिंचवड शहर या संस्थेला प्रमाणपत्र देऊन गौरव करण्यात आला.
याचा स्वीकार संस्थेचे संस्थापक अध्यक्ष डॉक्टर मोहन गायकवाड आणि सौ सायली सुर्वे संध्या स्वामी अनुषा पै पल्लवी नायक यांनी स्वीकारला आयुक्त शेखर सिंह यांनी संस्कार प्रतिष्ठान करीत असलेल्या पर्यावरण पूरक कामाचे मन भरून कौतुक केले उपस्थित असलेल्या सर्व प्रशासकीय अधिकाऱ्यांनी संस्थेच्या कार्याचे कौतुक केले.
