- संजय मराठे व सखाराम रेडेकर यांनी जाणून घेतल्या नागरिकांच्या समस्या
शबनम न्यूज | प्रतिनिधी
पिंपरी चिंचवड शहरातील प्रभाग क्रमांक 31 मधील नागरिकांच्या समस्या प्रभाग अध्यक्ष सखाराम रेडेकर व सामाजिक कार्यकर्ते संजय मराठे यांनी जाणून जाणून घेतल्या, तसेच नागरिकांच्या समस्या सोडविण्यासाठी पुढाकार घेतला आहे. यावेळी त्यांच्यासोबत महापालिकेच्या स्थापत्याच्या कनिष्ठ अभियंत्या श्रीमती धनश्री हांडे व जल निसारणाच्या कनिष्ठ अभियंता अश्विनी ढोले उपस्थित होत्या. या सर्वांनी नागरिकांच्या समस्या जाणून घेतल्या. तसेच नागरिकांच्या विविध समस्या सोडविण्यासाठी संबंधित विभागांना सूचना देण्यात आल्या.
प्रभागातील नागरिकांच्या समस्या सोडविण्यावर सध्या भारतीय जनता पक्षाच्या प्रतिनिधींच्या वतीने भर दिला जात आहे. आगामी महानगरपालिका निवडणुकीच्या पार्श्वभूमीवर भाजपचे कार्यकर्ते कामाला लागले असून, आपल्या प्रभागातील समस्यांची सोडवणूक करण्यासाठी धावपळ करीत आहे. यामध्ये प्रभाग क्रमांक 31 मध्ये सामाजिक कार्यकर्ते संजय मराठे हे अग्रेसर आहेत.
