spot_img
spot_img
spot_img

पिंपरीगावात ज्येष्ठ नागरिकावर चाकूने वार

शबनम न्यूज | पिंपरी

जागेच्या वादाच्या कारणावरून दोघांनी एका ज्येष्ठ नागरिकावर चाकूने वार करण्यात आले. पिंपरीगाव येथील वाघेरे पार्क येथे सोमवारी (२१ एप्रिल) पहाटे ही घटना घडली.

कानियमपाल शंकरण रवी (६५, रा. पिंपरीगाव) असे जखमी व्यक्तीचे नाव आहे. याप्रकरणी कानियमपाल यांच्या पत्नीने पिंपरी पोलिस ठाण्यात फिर्याद दिली. प्रतीक जयराज पिल्ले (३०, रा. देहूरोड) आणि त्याच्या एका साथीदारावर पोलिसांनी गुन्हा दाखल केला.

पोलिसांनी दिलेल्या माहितीनुसार, प्रतीक आणि फिर्यादी यांचे पती कानियमपाल यांचा जागेच्या मालकीच्या कारणावरून वाद होता. त्यावरून सोमवारी पहाटे दोघांमध्ये पुन्हा भांडण झाले. प्रतीक याने कानियमपाल यांच्या पाठीत चाकूने भोकसले, तर त्याच्या साथीदाराने कानियमपाल यांच्या पायावर वार करून त्यांना गंभीर जखमी केले. सहायक पोलिस निरीक्षक अनिल लोहार तपास करीत आहेत.

Related Articles

ताज्या बातम्या

error: Content is protected !!