शबनम न्यूज | प्रतिनिधी
पिंपरी–चिंचवड महानगरपालिकेच्या निवडणुकीच्या पार्श्वभूमीवर प्रभाग क्रमांक २७ मधून निवडणूक लढवत असलेले सागर कोकणे यांच्या प्रचाराला मोठा प्रतिसाद मिळत असून, त्यांच्या प्रचाराची धुरा आता थेट जनतेनेच हातात घेतल्याचे चित्र स्पष्टपणे दिसून येत आहे.
आज सागर कोकणे यांनी तांबे शाळा परिसर, अंकुर कॉलनी व दत्तनगर परिसरात घरोघरी भेटी देत मतदारांशी थेट संवाद साधला. या भेटीदरम्यान नागरिकांनी रस्त्यांची दुरवस्था, पाणीपुरवठ्याची अनियमितता, ड्रेनेज समस्या, कचरा व्यवस्थापन, स्ट्रीट लाईट, उद्यानांची दुरवस्था तसेच युवकांसाठी सुविधा नसल्याबाबत तक्रारी मांडल्या.
यावेळी सागर कोकणे यांनी प्रत्येक समस्या गांभीर्याने ऐकून घेत, निवडून आल्यास प्रभागाचा सर्वांगीण विकास, मूलभूत सुविधांचे मजबुतीकरण, स्वच्छ व पारदर्शक कारभार आणि नागरिकांना थेट न्याय देणारी कार्यपद्धती राबविण्याचा निर्धार व्यक्त केला.
विशेष म्हणजे या प्रचारात केवळ पक्षाचे कार्यकर्तेच नव्हे तर सर्वसामान्य नागरिक, महिला, ज्येष्ठ नागरिक व युवक मोठ्या संख्येने सहभागी होत आहेत. अनेक ठिकाणी मतदार स्वतःहून प्रचाराची जबाबदारी घेत घरोघरी जाऊन सागर कोकणे यांच्यासाठी मतदारांमध्ये जनजागृती करत असल्याचे चित्र दिसून येत आहे.
“ही निवडणूक कोणत्याही एका उमेदवाराची नसून, प्रभाग क्रमांक २७ मधील सामान्य जनतेची आहे. विकासासाठी आता जनतेनेच पुढाकार घेतला असून ही लढाई आम्ही सर्वजण मिळून लढत आहोत,” अशी भावना मतदारांनी व्यक्त केली.
स्थानिक प्रश्नांची जाण, सातत्याने संपर्क, लोकांशी असलेली आपुलकी आणि विकासाभिमुख भूमिका यामुळे सागर कोकणे यांना वाढता पाठिंबा मिळत असून, त्यांच्या प्रचाराला दिवसेंदिवस अधिक गती मिळत असल्याचे चित्र प्रभागात दिसून येत आहे.
