प्रभाग क्र. ८ मध्ये घरोघरी तुषार सहाणे यांचे औक्षण करीत स्वागत
शबनम न्यूज | प्रतिनिधी
मातीशी नाळ जपणारे आणि मायबाप जनतेच्या सेवेला प्राधान्य देणारे तुषार सहाणे यांनी प्रभाग क्रमांक ८ मधून निवडणूक रिंगणात उतरताच प्रचाराला वेग आला आहे. इंद्रायणी नगर प्राधिकरण सेक्टर १ परिसरात त्यांचे मतदारांशी असलेले जिव्हाळ्याचे नाते अधिक दृढ होत असल्याचे चित्र सध्या पाहायला मिळत आहे.
तुषार सहाणे सध्या घरोघरी जाऊन गाठीभेटी घेत नागरिकांच्या समस्या प्रत्यक्ष जाणून घेत आहेत. पाणीपुरवठा, रस्त्यांची दुरवस्था, ड्रेनेज, स्वच्छता, स्ट्रीट लाईट, आरोग्य सुविधा, महिला-युवकांसाठी उपक्रम, तसेच परिसरातील विकासकामांचा रखडलेला प्रश्न याबाबत नागरिकांनी आपली मते त्यांच्यासमोर मांडली.
या सर्व समस्या सोडवण्यासाठी सातत्याने पाठपुरावा करून प्रभागाचा सर्वांगीण विकास करण्याचा निर्धार तुषार सहाणे यांनी यावेळी व्यक्त केला. केवळ निवडणुकीपुरते नव्हे तर वर्षभर नागरिकांच्या संपर्कात राहून काम करणारा लोकप्रतिनिधी देण्याची गरज असल्याचेही त्यांनी सांगितले.
घरोघरी भेटीदरम्यान अनेक ठिकाणी महिलांनी तुषार सहाणे यांचे औक्षण करून पारंपरिक पद्धतीने स्वागत केले. युवक, ज्येष्ठ नागरिक, महिला वर्ग यांच्याकडून त्यांना उत्स्फूर्त प्रतिसाद मिळत असून “आपला उमेदवार, आपला माणूस” अशी भावना मतदारांमध्ये दिसून येत आहे.
प्रभागातील नागरिकांनी स्पष्टपणे आपला कौल तुषार सहाणे यांच्या बाजूनेच राहणार असल्याचे मत व्यक्त केले आहे. विकासाभिमुख विचारसरणी, प्रामाणिक कामाची तयारी आणि जनतेशी थेट संवाद हीच त्यांची ताकद ठरत असल्याचे स्थानिकांचे म्हणणे आहे.
प्रभाग क्रमांक ८ मध्ये तुषार सहाणेंच्या प्रचाराला दिवसेंदिवस जोर येत असून, जनतेच्या विश्वासाच्या बळावर ते विजयाच्या दिशेने वाटचाल करत असल्याचे चित्र निर्माण झाले आहे.
