शबनम न्यूज | प्रतिनिधी
पिंपरी येथील म्हाडा गृहनिर्माण सोसायटी येथे बऱ्याच महिन्यांपासून रहिवाशी नागरिकांना पाण्याचा तुटवडा भासत होता. यामुळे त्यांना अनेक समस्यांना सामोरे जावे लागत होते. या सर्व समस्या सोडविण्याची मागणी तेथील रहिवाशी नागरिकांनी पिंपरी चिंचवड शहराचे मा. उपमहापौर हिरानंद उर्फ डब्बू आसवानी यांना केली. डब्बू आसवानी यांच्यामार्फत सदर पाण्याचा प्रश्न सोडविण्यात आला. रहिवाशी नागरिकांच्या मागणीवरून डब्बू आसवानी यांनी राज्याचे उपमुख्यमंत्री अजित पवार तसेच महानगरपालिकेचे आयुक्त श्रावण हर्डीकर यांना सतत पाठपुरावा करून सदर समस्या सोडविण्यावर भर देत या सर्व समस्या सोडविण्यासाठी त्यांना यश आले.
रहिवाशी नागरिकांच्या मागणीवरून सोसायटीतील नागरिकांकरिता 3 नवीन पाण्याचे कनेक्शन जोडून देण्यात आले. यावेळी रहिवाशी नागरिकांनी समाधान व्यक्त केला. तसेच डब्बू आसवानी यांनी सोसायटी मधील जेष्ठ नागरिक यांच्या विविध प्रश्न जाणून घेऊन तसेच म्हाडा ग्रह निर्माण संस्था यांच्यामार्फत सदर सोसायटींना ज्या अपुऱ्या सोयी सुविधा पुरविण्यात आल्या, त्याबाबत देखील आपण अजित पवार यांच्याशी चर्चा केली असून लवकरात लवकर या सर्व समस्या मार्गी लावण्याचा प्रयत्न करणार असल्याचे डब्बू आसवानी यांनी सांगितले.
सोसायटीतील रहिमान सुधारण्यासाठी आवश्यक त्या सुविधा तातडीने पुरवण्यासाठी प्रयत्नशील असून उपमुख्यमंत्री अजित पवार यांच्याकडे पाठपुरावा करून शहरातील नागरिकांच्या समस्या सोडविण्यावर आपण भर देणार असल्याचे ही डब्बू आसवानी यांनी सांगितले.
स्थानिक रहिवाशांची पाण्याची समस्या सोडवून दिली असल्याने सोसायटीमध्ये नागरिकांनी आनंद व्यक्त करत डब्बू आसवानी यांचे आभार व्यक्त केले.
