शबनम न्यूज | प्रतिनिधी
निगडी, बावधन आणि चिंचवड येथे केलेल्या तीन वेगवेगळ्या कारवयांमध्ये पोलिसांनी तीन पिस्तूल, तीन काडतुसे आणि दोन तलवारी जप्त केल्या आहेत. याबाबत बुधवारी गुन्ह्यांची नोंद करण्यात आली आहे. तीन कारवायांमध्ये तिघांना अटक केली आहे.
शस्त्र बाळगल्या प्रकरणी पिंपरी चिंचवड गुन्हे शाखेने एका तरुणाला अटक केली आहे. ही कारवाई आकुर्डी येथे करण्यात आलेल्या कारवाईत राज अशोक कांबळे (२१, आकुर्डी) याला अटक केली आहे. याप्रकरणी पोलीस शिपाई संदेश देशमुख यांनी निगडी पोलीस ठाण्यात फिर्याद दिली आहे. राज याच्याकडून एक पिस्तूल दोन तलवार असा शस्त्रसाठा जप्त करण्यात आला आहे. निगडी पोलीस तपास करत आहेत.
बावधन पोलिसांनी जाधव वस्ती येथे कारवाई करत आकाश नामदेव पवार (२२, बावधन) याला अटक केली. त्याच्याकडून एक पिस्तूल आणि एक जिवंत काडतूस जप्त केले आहे. ही कारवाई बुधवारी सायंकाळी करण्यात आली. बावधन पोलीस तपास करत आहेत. चिंचवड पोलिसांनी वाल्हेकरवाडी येथे हुसेन उर्फ पंजा रमजान बागवान (२९, ताथवडे) याला अटक केली. त्याच्याकडून एक पिस्तूल आणि दोन जिवंत काढतुसे जप्त केली. चिंचवड पोलीस तपास करत आहेत.
