गोधन दान उपक्रमात सौ. कविताताई कडू-पाटील यांच्या वतीने मदतीचा हात

शबनम न्यूज | प्रतिनिधी

हिंदूभूषण स्मारक ट्रस्टचे अध्यक्ष तथा भाजपा आमदार महेश लांडगे यांच्या पुढाकाराने मराठवाडा आणि सोलापूरसह अन्य जिल्ह्यातील पूरग्रस्त शेतकऱ्यांमधील गरजवंतांना पहिल्या टप्प्यात १०६ गायींचे दान करण्यात आले. या उपक्रमात भाजपा महिला मोर्चाच्या पिंपरी चिंचवड शहर चिटणीस तथा गायत्री ग्रुप च्या संचालिका सौ कविताताई कडू-पाटील यांनीही सहभाग घेत पूरग्रस्तांना मदतीसाठी पुढाकार घेतला व जीवनाशक वस्तू, अन्नधान्य, कपडे तसेच शेतकऱ्यांना आवश्यक असणारे वैद्यकीय किट, गाईंना एक टन चारा , अशी सढळ हाताने मदत केली.

आमदार महेश लांडगे यांच्या संकल्पनेने साकार झालेल्या या उपक्रमात भोसरी परिसरातील अनेक भाजप पदाधिकारी, स्वयंसेवी संस्था व स्थानिक नागरिकांनी मोठ्या संख्येने सहभाग घेतला. या उपक्रमाचे उद्घाटन भाजपचे प्रदेशाध्यक्ष रवींद्र चव्हाण यांच्या हस्ते झाले.

यावेळी भाजपा शहराध्यक्ष शत्रुघ्न काटे, अनुप मोरे, माजी महापौर राहुल जाधव, नितीन काळजे, माजी महापौर हिरानानी घुले, राष्ट्रीय स्वयंसेवक संघाचे हेमंत हरहरे, भाजपा सरचिटणीस मोरेश्वर शेडगे यांच्यासह भाजपाचे पदाधिकारी, विविध संस्था-संघटनांचे प्रतिनिधी, उद्योग-व्यापार क्षेत्रातील मान्यवर उपस्थित होते.