भाजप आगामी महानगर पालिका निवडणूक स्वबळावर लढविणार यात शंका नाही – आमदार उमा खापरे
शबनम न्यूज , प्रतिनिधी : मुख्यमंत्री देवेंद्र फडणीस यांनी पिंपरी चिंचवड महानगरपालिकेची आगामी निवडणूक स्वबळावर लढविणार असल्याचे जाहीर केल्यानंतर राष्ट्रवादी अजित पवार पक्षाचे पिंपरी चे आमदार तथा विधानसभेचे उपाध्यक्ष अण्णा बनसोडे यांनी आपली भूमिका मांडताना भाजप,काँग्रेस, शिवसेना या पक्षातील कार्यकर्ते राष्ट्रवादी काँग्रेसमध्ये येण्यास उत्सुक आहे. निवडणूक जवळ येतात असे प्रवेश होतांना दिसतील महापालिके वर पुन्हा एकदा राष्ट्रवादी काँग्रेसची सत्ता येईल आणि पक्ष आपले वर्चस्व निर्माण करेल असा विश्वास व्यक्त करीत 2017 मध्ये राष्ट्रवादी काँग्रेस पक्षातून अनेक नगरसेवक भाजपमध्ये गेले त्यामुळेच भाजपचे जास्त नगरसेवक निवडून आले असल्याचे सांगितले आहे. त्यावर विधान परिषदेच्या आमदार उमा खापरे यांनी प्रसार माध्यमांना दिलेल्या मुलाखतीत आमदार अण्णा बनसोडे यांच्या या वक्तव्याला उत्तर देत सांगितले, की 2017 मध्ये ज्या नगरसेवकांना भारतीय जनता पक्षावर विश्वास होता त्यांनी पक्ष प्रवेश केला.भाजप पक्ष संघटनेचे कार्य खूप मोठा आहे, पिंपरी चिंचवड शहरात देशाचे पंतप्रधान नरेंद्र मोदी, राज्याचे मुख्यमंत्री देवेंद्र फडणीस यांच्या. कार्यावर विश्वास ठेवत अनेक नेत्यांनी भाजपमध्ये प्रवेश केला व अनेक टर्म महायुतीच्या माध्यमातून आमदार व खासदार या शहरात निवडून येत आहे. असे उमाताई खापरे यांनी प्रसार माध्यमांना दिलेल्या मुलाखतीत सांगितले.
तसेच 2017 नंतर शहरात उल्लेखनीय कामे झाली आहे. शहरातील मेट्रो प्रकल्प असो अथवा वाहतूक प्रश्न असो त्याचप्रमाणे पाण्याचा प्रश्न असेल राष्ट्रवादी पक्ष यापूर्वी हे प्रश्न सोडवु शकले नाही. कचऱ्यापासून वीज निर्मिती करणे, दिव्यांग भवन उभे करणे, पिंपरी चिंचवड शहराला स्वच्छतेचा प्रथम क्रमांक बक्षीस मिळाला आहे. निश्चितच शहरातील मतदारांनी आम्हाला प्रत्येक वेळी साथ दिली आमच्या कामावर विश्वास ठेवला तसेच आगामी महानगरपालिका निवडणूक ही भाजप स्वबळावर लढणार यात शंका नसल्याचे आमदार उमा खापरे यांनी सांगत,पिंपरी चिंचवड शहरातील भाजपचे शहराध्यक्ष शत्रुघ्न काटे यांच्या नेतृत्वात आगामी महानगरपालिका स्वबळावर लढणार असल्याचे आमदार उमा खापरे यांनी स्पष्ट केले.
