शबनम न्यूज | प्रतिनिधी
आगामी लोणावळा नगरपरिषद, वडगाव नगरपंचायत तसेच जिल्हा परिषद व पंचायत समिती निवडणुकीसाठी राष्ट्रवादी काँग्रेस पक्षाकडून इच्छुक आले उमेदवारांकडून उमेदवारी मागणी अर्ज मागविण्यात असल्याची माहिती आमदार सुनील शेळके आणि तालुकाध्यक्ष गणेश वसंतराव खांडगे यांनी दिली.
प्रसिद्धीस दिलेल्या पत्रात म्हटले आहे की, संबंधित निवडणुकांसाठी आरक्षण निश्चित झाले असून, पक्षाकडून निवडणूक लढविण्याची इच्छा असलेल्या उमेदवारांनी आपले अर्ज स्थानिक अध्यक्षांकडे जमा करावेत. लोणावळा नगरपरिषद निवडणुकीसाठी इच्छुक उमेदवारांनी आपले अर्ज रवी दत्तात्रय पोटफोडे, अध्यक्ष लोणावळा शहर राष्ट्रवादी काँग्रेस पक्ष यांच्याकडे जमा करावेत.
वडगाव नगरपंचायतीसाठी यांच्याकडे स्विकारले जाणार अर्ज वडगाव नगरपंचायतीसाठी उमेदवारी अर्ज पूर्ण भरून संबंधित अध्यक्षांकडे जमा करावेत. तसेच पक्षाची निवडणूक प्रक्रिया शिस्तबद्ध व पारदर्शक पद्धतीने राबविण्यासाठी सर्व पदाधिकारी व कार्यकर्त्यांनी सहकार्य करावे, असेही आवाहन करण्यात आले आहे.
उमेदवारी अर्ज प्रवीण ढोरे, अध्यक्ष वडगाव शहर राष्ट्रवादी काँग्रेस पक्ष यांच्याकडे स्वीकारले जाणार आहेत. जिल्हा परिषद व पंचायत समितीसाठी कोणाकडे अर्ज द्यायचे याचीही यादी देण्यात आली आहे. तालुक्यातील जिल्हा परिषद व पंचायत समिती निवडणुकीसाठी रूपेश घोजगे -अध्यक्ष आंदर मावळ, भरत भोते -अध्यक्ष, पवन मावळ (पूर्व विभाग), लाला गोणते अध्यक्ष, पवन मावळ (पश्चिम विभाग), साईनाथ गायकवाड अध्यक्ष, नाणे मावळ, नीलेश दाभाडे अध्यक्ष, कामशेत शहर, दिनेश चव्हाण अध्यक्ष, इंदोरी शहर यांच्याकडून अर्ज घ्यावेत.
